जनकपुरधाम । भारतको बिहारमा सोमबार राति भूकम्प गएको छ ।
भारतीय सञ्चारमाध्यमका अनुसार सोमबार राति ९ बजेर २३ मिनेटमा बिहारमा ३.५ रेक्टर स्केलको भूकम्प गएको हो ।
भूकम्पको केन्द्रबिन्दु भने बिहारको नालन्दाबाट २० किलोमिटर टाढा उत्तर पश्चिममा रहेको भारतीय मौसम विभागले जनाएको छ ।
भूकम्पको झट्का लगत्तै बिहारका पटनालगायत सहरका वासिन्दा घरबाहिर निस्किएका थिए ।
पटना लगायत भागलपुर, गया, औरंगाबाद, नालन्दा, नवादा, बक्सरमा भूकम्पको झट्का महसुस गरिएको थियो ।
केही दिनअघि मात्र भारतको राजधानी नयाँ दिल्लीलगायत आसपासका क्षेत्रमा शक्तिशाली भूकम्प गएको थियो ।
प्रतिक्रिया