काठमाण्डौ । नेपालमा पछिल्लो २४ घण्टामा १ हजार ६ सय ७७ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार ११ हजार १ सय ११ जनामा गरिएको पीसीआर परीक्षणमा १ हजार ४ सय २३ र ३ हजार ९ सय २३ जनामा गरिएको एन्टिजेन परीक्षणमा २ सय ५४ जनामा संक्रमण पुष्टि भएको हो ।
त्यस्तै, पछिल्लो २४ घण्टामा २ हजार ७२ जना संक्रमणमुक्त भएका छन् भने संक्रमणका कारण २१ जनाको मृत्यु भएको छ । योसँगै देशभर कोरोनाको सक्रिय संक्रमितको संख्या ३० हजार ३ सय ३ पुगेको छ ।
जसमध्ये २८ हजार ३ सय १४ जना होम आइसोलेसनमा र १ हजार ९ सय ८९ जना संस्थागत आइसोलेसनमा छन् । कोरोनाका बिरामीमध्ये ५ सय १४ जना आईसीयू र १ सय ५४ जना भेन्टिलेटरमा उपचाररत् छन् ।
नेपालमा कोरोना संक्रमितको कुल संख्या ७ लाख ७२ हजार १ सय ८२ पुगेको छ भने मृत्यु हुनेको संख्या १० हजार ८ सय ७९ पुगेको छ । त्यस्तै, अहिलेसम्म ७ लाख ३१ हजार जना संक्रमणमुक्त भइसकेका छन् ।
प्रतिक्रिया