काठमाण्डौ । नेपालमा पछिल्लो २४ घण्टामा १ हजार ७ सय ५६ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार ९ हजार ७ सय ७३ नमुनाको पीसीआर परीक्षण गर्दा १ हजार ३ सय ५७ र ४ हजार ५ सय ६१ एन्टिजेन परीक्षण गर्दा ३ सय ९९ जनामा संक्रमण देखिएको हो ।
पछिल्लो २४ घण्टामा कोरोना संक्रमणबाट थप २३ जनाको मृत्यु भएको छ भने २ हजार २ सय ७४ जना संक्रमणमुक्त भएका छन् ।
योसँगै संक्रमितको कुल संख्या ८ लाख ५१ हजार ९ सय ६४ पुगेको छ । तीमध्ये ७ लाख २३ हजार ४ सय ५६ जना संक्रमणमुक्त भएका छन् भने १० हजार ८ सय ९ जनाको मृत्यु भएको छ ।
हाल देशभर रहेका सक्रिय संक्रमितमध्ये ३० हजार ६ सय ६२ जना होम आइसोलेसनमा र २ हजार ३ सय ४४ जना संस्थागत आइसोलेसनमा रहेका छन् ।
संक्रमितमध्ये ५ सय ४० जनाको आईसीयू र १ सय ५६ जनाको भेन्टिलेटरमा उपचार भइरहेको मन्त्रालयले जनाएको छ ।
प्रतिक्रिया