काठमाण्डौ । नेपाल र पपुवा न्युगिनीबीचको एक दिवसीय सिरिजको मिति परिवर्तन भएको छ ।
यसअघि सेप्टेम्बर ५ र ८ मा हुने भनिएको सिरिज अब सेप्टेम्बर ७ र १० मा हुनेछ । पहिलो खेल दिनमा तथा दोस्रो खेल दिन र रातमा हुनेछ ।
यो नेपालले दिन र रातमा खेल्न लागेको पहिलो एकदिवसीय खेल हो । ओमान क्रिकेट संघले प्राविधिक कारणले खेल सारिएको जानकारी गराएको नेपाल नेपाल क्रिकेट संघ (क्यान)ले जनाएको छ।
नेपालले आईसिसी विश्वकप छनोट डिभजन–२ अन्तर्गत हुने त्रिकोणात्मक सिरिजको तयारीस्वरूप पपुवा न्युगिनीसँग खेल्न लागेको हो ।
नेपाल,आयोजक ओमान र अमेरिका सम्मिलित सिरिज सेप्टेमबर १३ देखि २० सम्म हुनेछ । नेपालले सेप्टेम्बर १३ मा अमेरिकासँगको खेलबाट सिरिजको सुरूवात गर्नेछ ।
प्रतिक्रिया