दाङ । दाङमा सडकमा गुडिरहेको कारलाई खोलाले बगाउँदा ४ जना महिलाको मृत्यु भएको छ ।
घोराही–लमही सडकखण्डअन्तर्गत सिस्नेखोलाले बुधबार राति १० बजे प्रदेश–३–०१–०२४ च ४४४० नम्बरको कारलाई बगाउँदा ४ जना महिलाको मृत्यु भएको हो । कारका चालक भने घाइते भएका छन् ।
मृत्यु हुनेहरुमा नेपालगञ्जको घोराही उपमहानगरपालिका वडा नम्बर १३ बस्ने ४० वर्षीया रीता माया पुन, सोही ठाउँकी ३२ वर्षीया सुशीला श्रेष्ठ, घोराही–१४ की ३३ वर्षीया राधा कुँवर र सोही ठाउँकी ४३ वर्षीया विमला केसी रहेको जिल्ला प्रहरी कार्यालय दाङका प्रवक्ता प्रहरी नायव उपरिक्षक मुकुन्द रिजालले जानकारी दिए ।
कारका चालक घोराही १३ का ४३ वर्षीय नरबहादुर पुन घाइते भएका छन् । उनको अवस्था सामान्य रहेको र घोराहीमा उपचार जारी रहेको डीएसपी रिजालले जानकारी दिए । उनको खुट्टा भाँचिएको छ ।
खोलाले बगाएर मृत्यु भएकाको शव झण्डै ३ किलोमिटर तल घोराही १७ बेलभार भन्ने ठाउँमा फेला परेको प्रहरीले जनाएको छ ।
प्रतिक्रिया