काठमाण्डौ । नेपालमा पछिल्लो २४ घण्टामा १ हजार ६ सय ६४ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार ९ हजार १ सय १७ पीसीआर परीक्षणमा १ हजार ५ सय २३ र ३ हजार १ सय ५ एन्टीजेन परीक्षणमा १ सय ४१ जनामा संक्रमण पुष्टि भएको हो ।
पछिल्लो २४ घण्टामा १ हजार ७ सय ८६ जना संक्रमणमुक्त भएका छन् भने संक्रमणका कारण २० जनाको मृत्यु भएको छ ।
नेपालमा कोरोना संक्रमितको कुल संख्या ७ लाख ६२ हजार ६ सय ४७ पुगेको छ । मृत्यु हुनेको संख्या भने १० हजार ७ सय ५० पुगेको मन्त्रालयले जनाएको छ । अहिलेसम्म ७ लाख १६ हजार ३ सय ६ जना संक्रमणमुक्त भएका छन् ।
देशभर सक्रिय संक्रमितको संख्या ३५ हजार ५ सय ९१ रहेको छ । जसमध्ये ३३ हजार २ सय १४ जना होम आइसोलेसनमा र २ हजार ३ सय ७७ जना संस्थागत आइसोलेसनमा रहेका छन् ।
कोरोनाका बिरामीमध्ये ५ सय ३७ जना आईसीयू र १ सय ६४ जना भेन्टिलेटरमा उपचाररत् छन् ।
प्रतिक्रिया