काठमाण्डौ । नेपाल प्रहरीले पछिल्लो २४ घण्टामा देशभर ९ हजार ८ सय ४८ जनालाई निःशुल्क मास्क वितरण गरेको छ ।
कोरोना संक्रमण रोकथाम तथा जोखिम न्यूनीकरणका लागि नेपाल प्रहरीद्वारा संचालित ‘तपाईंको मास्क खोई ?’ कार्यक्रम अन्तर्गत मास्क वितरण गरिएको हो ।
यो कार्यक्रम अन्तर्गत गत वैशाख ६ गतेदेखि हालसम्म जम्मा ९ लाख ५५ हजार ७ सय ८८ जनालाई निःशुल्क मास्क वितरण गरिएको प्रहरीले जनाएको छ ।
नयाँ भेरियन्टसहितको कोरोना संक्रमण बढ्दै गएको सन्दर्भमा यसबाट सिर्जना हुन सक्ने समस्या र चुनौतीलाई दृष्टिगत गरी संक्रमण रोक्न प्रहरीले विभिन्न अभियान सञ्चालन गरेको छ ।
प्रतिक्रिया