काठमाण्डौ । नेपालमा पछिल्लो २४ घण्टामा २ हजार ७५ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पिसिआर परीक्षणमा १ हजार ४ सय २४ र एन्टिजेनमा ६ सय ५१ जनामासंक्रमण पुष्टि भएको हो । मन्त्रालयका अनुसार पछिल्लो २४ घण्टामा १३ हजार ७५ नमुनाको परीक्षण गरिएको छ ।
देशभरका विभिन्न प्रयोगशालामा गरी ७ हजार ७ सय ७ जनाको पिसिआर र ५ हजार ३ सय ७२ नमूनाको एन्टिजेन परीक्षण गरिएको छ ।योसँगै नेपालमा पिसिआर परीक्षणबाट संक्रमित हुनेको संख्या ७ लाख ४५ हजार ७ सय ३१ पुगेको छ । त्यस्तै, एन्टिजेन विधिबाट गरिएको परीक्षणमा ७९ हजार ९ सय ९१ संक्रमण पुष्टि भएको स्वास्थ्य मन्त्रालयले जनाएको छ ।
पछिल्लो २४ घण्टामा २ हजार ३ सय ८२ जना संक्रमणमुक्त भएका छन् । योसँगै नेपालमा कोरोनामुक्त हुनेको संख्या ६ लाख ९५ हजार ९ सय २५ पुगेको छ । अहिले देशभर सक्रिय संक्रमितको संख्या ३९ हजार ३ सय २१ रहेको मन्त्रालयले जनाएको छ ।
पछिल्लो २४ घण्टामा ३० जना संक्रमितको मृत्यु भएको छ । नेपालमा कोरोनाबाट मृत्यु हुनेको संख्या १० हजार ४ सय ८५ पुगेको छ ।
प्रतिक्रिया