सर्लाही । सर्लाहीको कालिञ्जोर खोलामा मृतअवस्थामा फेला परेकी किशोरीको हत्या गरिएको भन्दै परिवारजनले प्रदर्शन गरेका छन् ।
गत आइतबारदेखि बेपत्ता भएकी लालबन्दी नगरपालिका–१७, रानिगञ्जकी १६ वर्षीया प्रियंका भुजेलको शव मंगलबार राति कालिञ्जोर खोलामा फेला परेको थियो ।
मृतक भुजेलको प्रकरणमा बुधबार परिवारजन तथा स्थानीयवासीहरु लालबन्दीस्थित ईलाका प्रहरी कार्यालय अगाडि जम्मा भई पूर्व–पश्चिम राजमार्ग अवरुद्ध गर्दै प्रदर्शन गरेका हुन् ।
भुजेलको हत्या गरिएको दावीसहित दोषीमाथि कारवाहीको माग गर्दै आक्रोशित स्थानीयले नाराबाजी गर्दै टायर बालेर चक्काजाम गरेका छन् ।
भुजेलको मृत्यु शंकास्पद देखिएको भन्दै प्रहरीले दुई युवकलाई नियन्त्रणमा समेत लिएको छ ।
प्रतिक्रिया