सिरहा । प्रहरीले सिरहाबाट लागुऔषध गाँजासहित एकजनालाई पक्राउ गरेको छ ।
पक्राउ पर्नेमा जिल्लाको लहान नगरपालिका–१७ गोबिन्दपुर बस्ने ४० वर्षीय बागेश्वर चौधरी रहेको प्रहरीले जनाएको छ ।
इलाका प्रहरी कार्यालय तथा प्रहरी चौकी लहानबाट खटिएको प्रहरी टोलीले सोमबार चौधरीको घरबाट १० किलो अवैध लागुऔषध गाँजा बरामद गरेको जिल्ला प्रहरी कार्यालय सिरहाले जनाएको छ ।
प्रहरीले उनको घरमा खानतलासी गर्दा घरभित्र गाँजा लुकाई राखेको अवस्थामा चौधरीलाई नियन्त्रणमा लिई थप अनुसन्धान सुरु गरिएको जनाएको छ ।
प्रतिक्रिया