काठमाण्डौ । नेपालमा पछिल्लो २४ घण्टामा २ हजार ६ सय ३४ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार १३ हजार ५ सय ७३ नमुनामध्ये ८ हजार ६ सय ६७ को पिसिआर परीक्षणमा १ हजार ९ सय ४७ र र ४ हजार ९ सय ६ को एन्टिजेन विधिबाट परीक्षण गर्दा ६ सय ७७ जना संक्रमित थपिएका हुन् ।
पछिल्लो २४ घण्टामा १ हजार ३ सय २० जना संक्रमणमुक्त भएका छन् भने ३० जना संक्रमितले ज्यान समेत गुमाएका छन् । हालसम्म देशभर कोरोना संक्रमितको संख्या ७ लाख ३० हजार ४ सय ७९ पुगेको छ । जसमध्ये ६ लाख ८० हजार ८ सय १५ जना संक्रमणमुक्त भएका छन् भने १० हजार २ सय ५९ जनाको मृत्यु भएको छ ।
देशभर कोरोनाका सक्रिय संक्रमितको संख्या ३९ हजार ४ सय ५ रहेको छ । जसमध्ये ३६ हजार २ जना होम आइसोलेसनमा र ३ हजार ४ सय ३ जना संस्थागत आइसोलेसनमा छन् । संस्थागत आइसोलेसनमा रहेकामध्ये ७ सय ६० जना सघन उपचार कक्षमा र तीमध्ये १ सय ८६ जना भेन्टिलेटरको सहायताले उपचार गराइरहेका छन् ।
प्रतिक्रिया