ताजा समाचार


प्रदेश २ : साइकल वितरण कार्यक्रम तत्कालका लागि स्थगित

द रियल समाचार     २०७८ श्रावण २४, आईतवार, १६: ०७ मा प्रकाशित




जनकपुरधाम। छोरीलाई शिक्षित र सबल बनाउन प्रदेश २ सरकारले ल्याएको ‘बेटी पढाउ, बेटी बचाऊ’ अभियानअन्तर्गतको साइकल वितरण कार्यक्रम तत्कालका लागि स्थगित गरिएको छ ।

यस अभियान अन्तर्गत प्रदेशभित्रका सामुदायिक विद्यालयको कक्षा ८ मा अध्ययनरत छात्राहरुको लागि अत्यधिक विद्यालयबाट साइकल माग निवेदन प्राप्त भएकोले प्राप्त कागजात रुजु गर्न समय लाग्ने भएको हुँदा अर्को सूचना प्रकाशित नभएसम्मका लागि कार्यक्रम स्थगित गरिएको मुख्यमन्त्री तथा मन्त्रिपरिषद् कार्यालयका शाखा अधिकृत अमन कुमार कर्णले जानकारी दिए ।

उनले प्राप्त फाईलहरु रुजु भएपश्चात अर्को सूचना प्रकाशित गरी साइकल वितरण कार्यक्रम पुनः सुचारु गरिने समेत बताए । चालु आर्थिक बर्षमा दुई चरणमा साइकल वितरण गर्नुपर्ने भएको र त्यसमध्ये एक चरणमा वितरण समेत भईसकेको तथा विद्यालयहरुबाट करिव २ सयको संख्यामा फाईलहरु आएकोले यसमा समय लाग्ने भएको हुँदा तत्कालका लागि कार्यक्रम स्थगित गरिएको कर्णले जानकारी दिए ।

प्रदेश सरकारले ‘बेटी पढाउ, बेटी बचाऊ’ कार्यक्रम अन्तर्गत शिक्षा विमा, महिला मैत्री शौचालयको निर्माण जस्ता कार्यक्रमहरूलाई अघि बढाएर महिला सशक्तिकरणमा प्रदेशलाई अग्रपङ्तिमा राख्ने सोच लिएको उनले बताए ।

प्रदेश २ सरकारले गत आर्थिक वर्ष २०७६/०७७ मा प्रदेश भित्रका सामुदायिक विद्यालयहरुको कक्षा ८ मा अध्ययनरत ६१ वटा विद्यालयका १४ हजार तथा आर्थिक वर्ष २०७७/०७८ मा १७ हजार २३८ छात्रालाई साइकल वितरण गरेको थियो ।

 

यो खबर पढेर तपाईलाई कस्तो महसुस भयो ?


प्रतिक्रिया




Top