जनकपुरधाम । सिरहाको लहानबाट चोरी मुद्दामा फरार रहेका चारजना पक्राउ परेका छन् ।
पक्राउ पर्नेमा लहान नगरपालिका–१५ बस्ने ३५ बर्षीय देबु सदाय, ५७ बर्षीय मोहन सदाय, ३५ बर्षीय रामउदगार मण्डल र उमेर खुल्न नसकेका श्याम सदाय रहेका छन् ।
इलाका प्रहरी कार्यालय लहानबाट खटिएको टोलीले उनीहरुलाई गाउँबाटै पक्राउ गरेको जिल्ला प्रहरी कार्यालय सिरहाका प्रवक्ता प्रहरी नायव उपरिक्षक सुवास बुढाथोकीले जानकारी दिए ।
जिल्ला अदालतले चोरी मुद्दामा चारै जनालाई जनही १ महिना कैद र २१ हजार ६ सय ६३ रुपैयाँ जरिवाना तोकेको थियो । पक्राउ परेकाहरुलाई फैसला कार्यान्वयनका लागि जिल्ला अदालतमा बुझाइएको प्रहरीले जनाएको छ ।
प्रतिक्रिया