एजेन्सी । बार्सिलोना र जिम्नास्टिकबीच भएको मैत्रीपूर्ण खेलमा बार्सिलोनाले ४–० सहज जित हात पारको छ ।
नयाँ खेलाडीलाई प्राथमिकतामा राखेर खेलाइएको प्रि सिजन अन्तर्गतको उक्त खेलमा रे मानाजको ह्याट्रिकले बार्सिलोनालाई सहज जित दिलाएको हो । बार्साका लागि अर्को एक गोल भने एलेक्स कोलोडाले गरेका हुन् ।
खेल पहिलो हाफमा गोलरहित बराबरीमा सकिएको थियो । पहिलो हाफ गोलरहित भएको खेल दोस्रो हाफमा भने बार्साले आफ्नो पक्षमा पारेको हो ।
खेलको दोस्रो हाफमा मैदान प्रवेश गरेका मानाज चम्किदा बार्सिलोनाले सहज जित निकालेको हो । ६० औँ मिनेटमा मानाजले पहिलो गोल गर्दै खेललाई अग्रता दिलाएका थिए ।
बार्सिलोनाका लागि कोलोडाले ८५ औँ मिनेटमा दोस्रो गोल गरेका थिए । त्यस्तै मानाजले ८६ र ९० औँ मिनेटमा लागातार २ गोल गर्दै बार्सिलोनालाई सहज जित दिलाएका हुन् ।
प्रतिक्रिया