काठमाण्डौ । नेपालमा पछिल्लो २४ घण्टामा ३ हजार १ सय ८ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पिसिआर परीक्षणमा २ हजार २ सय २ र एन्टिजेन परीक्षणमा ९ सय ६ जनामा कोरोना पुष्टि भएको हो ।
योसँगै हालसम्म कोरोना पुष्टि हुनेको संख्या पिसिआर परीक्षणबाट ६ लाख ७० हजार ९ सय ५३ र एन्टिजेन परीक्षणबाट ५० हजार ६ सय ६४ पुगेको छ ।
पछिल्लो २४ घण्टामा ८ हजार ८ सय ३६ पिसिआर र ४ हजार २ सय ९९ एन्टिजेन परीक्षण गरिएको मन्त्रालयले जानकारी दिएको छ । जम्मा परीक्षणको संख्या १० हजार ६६ छ ।
पछिल्लो २४ घण्टामा १ हजार ५ सय ९५ जना संक्रमणमुक्त भएका छन् । हालसम्म संक्रमणमुक्त हुनेको संख्या ६ लाख ३४ हजार ९ सय २७ पुगेको छ । अहिले देशभर सक्रिय संक्रमितको संख्या २६ हजार ४ सय १९ रहेको स्वास्थ्य मन्त्रालयले जानकारी दिएको छ ।
त्यस्तै, पछिल्लो २४ घण्टामा कोरोनाबाट २५ जनाको मृत्यु भएको छ । कोरोनाबाट मृत्यु हुनेको कुल संख्या ९ हजार ६ सय ७ पुगेको छ ।
प्रतिक्रिया