काठमाण्डौ । नेपालको फ्रेन्चाइज टि–२० लिग एभरेस्ट प्रिमियर लिग (इपिएल) टोली चितवन टाइगर्सले आफ्ना मार्की खेलाडी सोमपाल कामीलाई कप्तान बनाएको छ ।
चितवनले आइतबार एक विज्ञप्ति निकाल्दै सोमपाललाई इपिएलको चौँथो संस्करणका लागि कप्तानको जिम्मेवारी सुम्पिएको जनाकारी गराएको हो ।
सोमपालले इपिएलको अघिल्लो संस्करण काठमाडौ किंग्स ११ बाट खेलेका थिए । प्रतियोगिताको चौंथो संस्करण असोज ९ देखि २३ सम्म कीर्तिपुरस्थित त्रिवि क्रिकेट मैदानमा हुनेछ ।
अघिल्लो वर्षको चैतमा हुने तय भएको प्रतियोगिता कोरोना महामारीका कारण स्थगित भएको थियो । इपिएलमा चितवनसहित साविक विजेता ललितपुर प्याट्रियट्स, भैरहवा ग्ल्याडिएटर्स, काठमाडौं किंग्स ११, पोखरा राइनोज र विराटनगर वारियर्सको सहभागिता रहने छ ।
प्रतिक्रिया