जनकपुरधाम । नेपाल प्रहरी प्रहरी सहायक निरीक्षक १६४ औं समूहले छैठौं बार्षिकोत्सव फरक तरिकाले मनाएको छ ।
सत्य सेवा सुरक्षणमको मुल मन्त्रलाई शिरोधार्य गर्दै जनकपुरधाम उपमहानगरपालिका वडा नम्बर-८ स्थित सन्त कविर बालआश्रमका बालबालिकाहरुसँग उनीहरूले बार्षिकोत्सव मनाएका हुन् ।
संगठनको प्रहरी सहायक निरीक्षक पदमा प्रवेश गरेको ६ वर्ष सेवा अवधि पूरा गरेको अवसरमा कोरोना महामारी जस्तो विषम परिस्थितिमा अनलाइन कक्षाबाट वञ्चित रहेका आश्रमका बालबालिकाहरुलाई १६४ औँ समुहका प्रहरी सहायक निरीक्षकहरुको व्यक्तिगत तर्फबाट कम्प्युटर लगायतका सामग्रीहरु वितरण गरिएको छ ।
यस महामारीको समयमा बालबालिकाहरुलाई आश्रमबाटै अनलाइन माध्यमले अध्ययन अध्यापनमा सहजीकरण गर्ने उद्देश्यले एक थान डेस्कटप कम्प्युटर आश्रमका संस्थापक एवं सञ्चालक सन्त सत्यनारायण आलोकलाई हस्तान्तरण गरिएको थियो ।
प्रतिक्रिया