काठमाण्डौ । नेपालमा पछिल्लो २४ घण्टामा २ हजार ९ सय ५ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार विभिन्न प्रयोगशालामा १३ हजार २४ नमुना परीक्षणमा सो परिमाणमा संक्रमित थपिएका हुन् । यीमध्ये ८ हजार १ सय ८ को पिसिआर र ४ हजार ९ सय १६ नमुनाको एन्टिजेन विधिबाट परीक्षण गरिएको थियो ।
पीसीआर परीक्षणबाट २ हजार १० र एन्टिजेन परीक्षणबाट ८ सय ९५ जनामा संक्रमण पुष्टि भएको हो । मन्त्रालयका अनुसार पछिल्लो २४ घण्टामा १ हजार ६ सय ६ जना संक्रमणमुक्त भएका छन् भने १८ जना संक्रमितको मृत्यु भएको छ ।
योसँगै नेपालमा कोरोनाबाट मृत्यु हुनेको संख्या ९ हजार ४ सय ३० पुगेको छ । हालसम्म ७ लाख ६ हजार ७ सय ६१ जनामा संक्रमण पुष्टि भएको छ भने ६ लाख २४ हजार ७ सय ११ जना संक्रमणमुक्त भएका छन् ।
प्रतिक्रिया