काठमाण्डौ । नेपाली काँग्रेसका सभापति शेरबहादुर देउवा प्रधानमन्त्रीमा नियुक्त भएका छन् । सोमबार सर्वोच्च अदालतले दिएको परमादेश अनुसार देउवा प्रधानमन्त्रीमा नियुक्त भएका हुन् ।
संविधानको धारा ७६ को उपधारा ५ अनुसार राष्ट्रपति विद्यादेवी भण्डारीले देउवालाई प्रधानमन्त्रीमा नियुक्त गरेको राष्ट्रपति कार्यालयले जनाएको छ ।
देउवा पाँचौ पटक प्रधानमन्त्रीमा नियुक्त भएका हुन् । उनलाई आजै सपथग्रहण गराउने तयारी भएको राष्ट्रपति कार्यालयले जनाएको छ ।
देउवा सबैभन्दा पहिले २०५२ सालमा प्रधानमन्त्री बनेका थिए । त्यसपछि २०५८, २०६१ र २०७४ सालमा पनि उनी प्रधानमन्त्री बनेका थिए ।
प्रतिक्रिया