रौतहट । रौतहटबाट प्रहरीले लागुऔषध अफिम सहित २ युवकलाई पक्राउ गरेको छ ।
जिल्ला प्रहरी कार्यालय रौतहट र प्रहरी चौकी ब्रम्हपुरी वसतपुरबाट खटिएको संयुक्त टोलीले राजदेवी नगरपालिका–३ चण्डिया गाउँबाट अफिमसहित २ जनालाई पक्राउ गरेको हो ।
पक्राउ पर्नेमा मकवानपुरगढी–२ बस्ने ३२ वर्षीय अनिल लामा र मकवानपुर बकैयाका सुकलाल वाइबा रहेका छन् । उनीहरुको साथबाट बा ६० प.५३५ नम्बरको मोटरसाईकल समेत बरामद भएको प्रहरीले जनाएको छ ।
उनीहरुसँग १ किलो कालो पदार्थ लागुऔषध अफिमको चोप फेला परेको जिल्ला प्रहरी कार्यालय रौतहटका प्रहरी प्रमुख एसपी सिद्वीबिक्रम शाहले बताए । उनीहरुलाई जिल्ला अदालत गौरबाट ५ दिनको म्याद लिई न्यायिक हिरासतमा राखि थप अनुसन्धान भईरहेको प्रहरीले जनाएको छ ।
प्रतिक्रिया