मोरङ । आफ्नै दाइको हत्या गरेको आरोपमा प्रहरीले मोरङबाट एक युवकलाई पक्राउ गरेको छ । पक्राउ पर्नेमा विराटनगर महानगरपालिका–५ पृथ्वी चोकका साजन सिंह रहेको प्रहरीले जनाएको छ ।
घरायसी विवादको क्रममा शुक्रबार राति साढे १० बजे साजनले आफ्नै दाइ ४२ वर्षीय भोलालाई चक्कुले हानेका थिए । चक्कुले भोलाको शरीको विभिन्न ठाउँमा गहिरो चोट लागेको थियो ।
भाइको कुटपिटबाट गम्भीर घाइते भएका भोलाको उपचारका क्रममा विराट अस्पतालमा राति ११ बजे मृत्यु भएको प्रहरीले जनाएको छ ।त्यसकै केही समयपछि राति साढे ११ बजे साजनलाई नियन्त्रणमा लिइएको थियो ।
जिल्ला प्रहरी कार्यालय मोरङका अनुसार पक्राउ परेका साजनविरुद्ध कर्तव्य ज्यान मुद्दामा थप अनुसन्धान सुरु गरिएको छ ।
प्रतिक्रिया