एजेन्सी । बंगलादेशको एक खाद्य उद्योगमा भीषण आगलागी भएको छ । आगलागीमा परी ५२ जनाको मृत्यु भएको समाचार एजेन्सी एएफपीले जनाएको छ । ३० भन्दा बढी घाइते भएका छन् ।
एएफपीका अनुसार बंगलादेशको राजधानी ढाकाबाट २५ किलोमिटर पूर्वमा रहेको औद्योगिक शहर रुपगन्जमा रहेको उद्योगमा आगलागी भएको हो ।
आगलागी सुरु भएपछि उद्योगमा कार्यरत केही मजदुरहरु माथिल्लो तलबाट हामफालेका थिए । धूवाँ फैलिएपछि थुप्रै कर्मचारीहरु भागेर छतमा पुगेका थिए । उनीहरुलाई डोरीको सहायताले तल झारिएको थियो ।
बिहीबार राति आगलागी सुरु भएको बंगलादेशको सुरक्षाकर्मीलाई उद्धृत गर्दै एएफपीले खबर दिएको छ । कारखानाका काम गर्ने कर्मचारीका आफन्तहरुको बाहिर ठूलो भीड लागेको थियो ।
प्रतिक्रिया