ताजा समाचार


प्रदेशमा माओवादीबाट कारबाहीमा परेकी ज्वाला केन्द्रको मन्त्री

द रियल समाचार     २०७८ जेष्ठ २७, बिहीबार, १३: ४३ मा प्रकाशित




जनकपुरधाम । नेकपा माओवादी केन्द्रबाट प्रदेश सांसद हुँदा कारबाहीमा परेकी ज्वाला कुमारी साहलाई प्रधानमन्त्री केपी शर्मा ओलीले केन्द्र सरकारमा मन्त्री बनाएका छन् ।

प्रधानमन्त्री ओलीले साहलाई समेटेर बिहीबार मन्त्रिपरिषद विस्तार गरेका हुन् । विस्तारित मन्त्रिपरिषदमा ओलीले ज्वालालाई कृषि मन्त्रालयको जिम्मेवारी दिएका छन् ।

ज्वाला केही महिना अघिमात्रै प्रचण्डको साथ छाडेर ओली समुहमा लागेकी थिईन् । उनी गत प्रदेशसभाको निर्वाचनमा नेकपा माओवादी केन्द्रको तर्फबाट बारा क्षेत्र नम्बर ३ को (क) बाट निर्वाचित भएकी थिईन् ।

नेकपा माओवादी केन्द्रले गत चैत ३० गते प्रदेश २ का ४ जना सांसदलाई पदमुक्त गर्न सिफारिस गरेको थियो । माओवादी केन्द्रले प्रदेशसभा सदस्यहरु रामचन्द्र मण्डल, कुन्दनप्रसाद कुशवाहा, ज्वाला कुमारी साह र मोहम्मद समिरलाई कारबाही स्वरुप पदमुक्त गरेको थियो ।

नेकपा एमालेमा लागेपछि चारै जनालाई पार्टीको केन्द्रीय समितिले स्पष्टीकरण सोधेको थियो । २४ घण्टाभित्र स्पष्टीकरण दिन भनिए पनि उनीहरुले स्पष्टीकरण नदिएपछि पदमुक्त गरिएको थियो ।

नेकपा एमालेमा लागेपछि ज्वालालाई पार्टीले प्रदेश २ को अध्यक्ष तथा बारा जिल्ला इन्चार्जको जिम्मेवारी दिएको थियो ।

यो खबर पढेर तपाईलाई कस्तो महसुस भयो ?


प्रतिक्रिया




Top