ताजा समाचार


मुख्यमन्त्री गुरुङले लिए पद तथा गोपनीयताको सपथ

द रियल समाचार     २०७८ बैशाख २९, बुधबार, १८: २६ मा प्रकाशित




पोखरा । नेपाली काँग्रेस र नेकपा माओवादी केन्द्रले बहुमतको सरकार बनाउन नसकेपछि पृथ्वीसुब्बा गुरुङ आजै मुख्यमन्त्रीमा नियुक्त भएका थिए । उनलाई प्रदेश प्रमुख सीताकुमारी पौडेलले पद तथा गोपनीयताको सपथ खुवाएकी छन् ।

कांग्रेस र माओवादीले निर्धारित आज ४ बजेसम्म सरकार बनाउन असफल भएपछि गुरुङ नै मुख्यमन्त्री बनेका हुन् । गुरुङले गत वैशाख २६ गते पदबाट राजीनामा दिएका थिए । गुरुङले राजीनामा दिएपछि प्रदेश प्रमुख पौडेलले ३ दिनभित्र अर्थात् आज अपरान्ह ४ बजेसम्म बहुमतको सरकार बनाउन दिएको म्यादमा माओवादी–कांग्रेस चुकेका थिए ।

पौडेलले दिएको समयसीमामा कांग्रेसका कृष्णचन्द्र पोखरेल नेपालीले बहुमत ३१ सांसदको हस्ताक्षर बुझाउन नसकेपछि गुरुङ मुख्यमन्त्री बनेका हुन् । गुरुङलाई प्रदेशसभाको ठूलो दलको हैसियतमा मुख्यमन्त्री बनाइएको हो । गुरुङले अबको ३० दिनभित्रमा बहुमत सिद्ध गरेर सरकार टिकाउनुपर्नेछ ।

माओवादी–कांग्रेसको सरकार बनाउने योजनामा जनमोर्चा संसदीय दलका नेता कृष्ण थापा र सांसद खिमविक्रम शाही बाधक भए । थापाले यसअघि नै साथ नदिने बताएका थिए भने शाहीले अन्तिम समयमा आएर तटस्थ बस्ने निर्णय लिए । जनमोर्चाका दुई सांसद पछि हटेपछि पोखरेलको पक्षमा २९ सांसदको मात्रै हस्ताक्षर पुगेको थियो ।

यो खबर पढेर तपाईलाई कस्तो महसुस भयो ?


प्रतिक्रिया




Top