काठमाण्डौ । नेपालमा पछिल्लो २४ घण्टामा थप ९ हजार २७१ जनामा कोरोनाभाइरस संक्रमण पुष्टि भएको छ भने १३९ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
यसअघि आइतबार ८ हजार ८५० जनामा संक्रमण पुष्टि भएको थियो भने ८८ जनाको मृत्यु भएको थियो । पीसीआर विधिबाट १७ हजार ६२३ र एन्टिजेन विधिबाट ७८८ जनाको परीक्षण गर्दा ९ हजार २७१ जनामा संक्रमण पुष्टि भएको हो । यससँगै देशभर कोरोना संक्रमितको कुल संख्या ४ लाख नाघेको छ ।
सोमबारसम्म कोरोनाबाट संक्रमित हुनेको संख्या ४ लाख ३ हजार ७९४ पुगेको छ भने निको हुनेको संख्या ३ लाख ६ हजार ७९४ पुगेको मन्त्रालयले जनाएको छ ।
पछिल्लो २४ घण्टामा ४ हजार ७ जना निको भएका छन् भने मृतकको कुल संख्या ३ हजार ८५९ पुगेको छ । हाल देशभर सक्रिय संक्रमित ९३ हजार १४१ रहेका छन् ।
प्रतिक्रिया