कैलाली । कोरोना संक्रमणको दोस्रो लहरले आम नागरिकलाई त्रसित बनाईरहेको समयमा एक प्रमुख जिल्ला अधिकारीले आफूले चढ्दै आएको गाडीलाई एम्बुलेन्सको रुपमा प्रयोग गर्ने घोषणा गरेका छन् ।
दार्चुलाका प्रमुख जिल्ला अधिकारी सिद्धराज जोशीले आफूले चढ्दै आएको गाडीलाई एम्बुलेन्सको रुपमा प्रयोग गर्ने घोषणा गरेका हुन् ।
कोभिड–१९ को महामारीको समयमा अन्य बिरामीहरुलाई अन्यत्र जान समस्या भएकाले कोभिड बाहेकका बिरामीहरुको प्रयोगका लागि गाडीलाई एम्बुलेन्सको रुपमा प्रयोग गर्न सकिने उनले जानकारी दिएका छन् ।
कोरोना बाहेकका बिरामीहरुलाई अहिले एम्बुलेन्सको समस्या हुँदा आफूले चढ्ने गाडीलाई एम्बुलेन्सका रुपमा प्रयोग गर्न सकिने घोषणा गरेको उनले बताए ।
उनले भने,‘अब जिल्ला प्रशासन कार्यालय दार्चुलाको बा २ झ ६७ नम्बरको गाडी कोरोना भाइरस संक्रमित बाहेकका बिरामीलाई बोक्ने सकिनेछ ।’
प्रतिक्रिया