काठमाण्डौ । नेपाल सुपर लिग अन्तर्गत आज भएको पहिलो खेलमा ललितपुर सिटी एफसीले जित हासिल गरेको छ ।
त्रिपुरेश्वरस्थित दशरथ रंगशालामा भएको खेलमा सिटी एफसीले बुटवल लुम्बिनी एफसीमाथि १–० को कठिन जित हात पारेको हो ।
खेलको पाँचौँ मिनेटमा नुर्लान जाहिदले गरेको एक मात्र गोल ललितपुरलाई ३ अंक दिलाउन पर्याप्त बन्यो ।
कमल श्रेष्ठको कर्नरमा डिबक्सभित्र निरज बस्नेतको बाइसाइकल किकमा कप्तान अञ्जन विष्टले हेडमर्फत उपलब्ध गराएको बललाई नुर्लानले गोलमा परिणत गरेका हुन् ।
पहिलो जित निकालेको ललितपुर ५ खेलबाट ६ अंक जोड्दै चोथो स्थानमा उक्लिँदा बुटवल समान खेलबाट ५ अंक जोड्दै पाँचौँ स्थानमा छ ।
प्रतिक्रिया