सर्लाही । सर्लाहीको सदरमुकाम मलंगवाबाट गोली लोड भएको पस्तोल र लागूऔषध चरेससहित एक भारतीय नागरिक पक्राउ परेका छन् ।
पक्राउ पर्नेमा भारतको बिहार राज्य अन्तर्गत सितामढी थाना कन्हौली ग्राम पञ्चायत बिसनपुर आधार वडा नम्बर–८ बस्ने २४ वर्षीय सकलदीपकुमार महतो रहेको प्रहरीले जनाएको छ ।
महतो सवार बीआर ३० एस ६२०३ नम्बरको मोटरसाइकल चेकजाँच गर्ने क्रममा मोटरसाइकलको डिकीभित्र गोली लोड भएको अवस्थामा कटुवा पेस्तोल दुई थान र लागूऔषध चरेश ५ सय ग्राम बरामद भएको जिल्ला प्रहरी कार्यालय सर्लाहीले जनाएको छ ।
नेपाल प्रहरी र सशस्त्र प्रहरीको संयुक्त टोलीले बिशेष सूचनाको आधारमा सम्भावित आपराधिक घटना रोक्न आइतबार राति गस्ती गरिरहँदा महतोलाई मलंगवा नगरपालिका वडा नम्बर–६ खुटौनाबाट नियन्त्रणमा लिइएको बताइएको छ ।
पक्राउ परेका महतोलाई लागूऔषध तथा हातहतियार खरखजनासम्बन्धी कसुरमा मुद्दा दर्ता गरी आवश्यक अनुसन्धान कार्य भईरहेको सर्लाही प्रहरीले जनाएको छ ।
प्रतिक्रिया