ताजा समाचार


लागुऔषध कारोबार र लुटपाटमा संलग्न भएको आरोपमा प्रहरी जवानसहित ८ पक्राउ

द रियल समाचार     २०७८ बैशाख १२, आईतवार, १४: ५६ मा प्रकाशित




जनकपुरधाम । पर्सामा लागुऔषध कारोबार र लुटपाटमा संलग्न भएको आरोपमा प्रहरी जवानसहित ८ जना पक्राउ परेका छन् ।

सीमावर्ती शहर रक्सौलबाट पक्राउ परेका उनीहरूको साथबाट दुई थान पेस्तोल र चार थान म्याग्जिनसहित विभिन्न प्रकारका लागुऔषध बरामद भएको हो ।

जिल्ला प्रहरी कार्यालय पर्साका अनुसार भारतबाट १ लाख ५० हजार रूपैयाँमा भारतको रक्सौलबाट मकवानपुर मनहरी गाउँपालिका–५ बस्ने २५ वर्षिय राजु रानामगर र काठमाडौं बस्दै आएका राम प्रजापतिले सुनमिका लेखेको एक थान पेस्तोल र दुई थान म्याग्जिन खरिद गरेका थिए । उनीहरूले लागुऔषध डाइजिपाम, नुर्फिनलगायतका लागुऔषध ल्याई वीरगञ्जको मनोकामना गेष्टहाउसमा बसेका थिए ।

रौतहटको सखुहवा नगरपालिका–१ बस्ने जिल्ला प्रहरी कार्यालय पर्सामा कार्यरत २९ वर्षीय प्रहरी जवान अवधेशप्रसाद यादव, वीरगञ्ज महानगरपालिका–१२ मुर्ली बस्ने ४३ वर्षीय लालबाबु सिंह, ३५ वर्षीय श्यामबाबु कुशवाहा, ४२ वर्षीय अरविन्दप्रसाद गुप्ता, ४२ वर्षीय कुँवर सिंह, वडा नम्बर १५ बस्ने २४ वर्षीय नन्दन सिंह, ३१ वर्षीय रोशन सिंहलगायतले लागुऔषध तथा हातहतियार लुटेको जिल्ला प्रहरी कार्यालय पर्साका प्रहरी उपरीक्षक बेलबहादुर पाण्डेले जानकारी दिए ।

लुटपाट गर्नेहरूको साथबाट थप एक थान पेस्तोलसहित दुई थान म्याग्जिन, सुनको मुन्द्रा, नगद ७ हजारलगायतका सामान बरामद गरिएको प्रहरी उपरीक्षक पाण्डेले बताए ।

यो खबर पढेर तपाईलाई कस्तो महसुस भयो ?


प्रतिक्रिया




Top