जनकपुरधाम । जनकपुरधाम–७ जिरोमाइलस्थित जनकपुर युथ क्लबको नयाँ कार्यसमितिका पदाधिकारी तथा सदस्यहरुले पदभार ग्रहण गरेका छन् ।
कोरोना संक्रमणको जोखिमलाई ध्यानमा राख्दै सामान्य कार्यक्रमको आयोजना गरि क्लबका पदाधिकारी तथा सदस्यहरुले पदभार ग्रहण गर्नुका साथै सपथ लिएका हुन् ।
नवगठित कार्यसमितिको अध्यक्षमा रोहितप्रसाद ठाकुर, उपाध्यक्षमा संजय मण्डल र गोपिन्द्र मिश्र, महासचिवमा शरदकुमार झा, सचिवमा रामईश्वर शर्मा र कोषाध्यक्षमा राजकिशोर ठाकुर रहेका छन् ।
त्यस्तै सदस्यहरूमा सुनिलकुमार तिवारी, सुजिकुमार तिवारी, तुलसी साह, छविरञ्जन ठाकुर, सुधाकुमारी मिश्र, ममता पाठक, व्युटी चौधरी रहेका छन् भने क्लबका सल्लाहकारहरुमा कुलानन्द झा, विरेन्द्र ठाकुर, नविन झा, भुपनारायण पाठक, दिनानाथ मिश्र, ललनकुमार झा , अमरेन्द्र झा रहेका छन् ।
यसअघि शनिबार बिहान क्लबको कार्यालयमा पूर्व अध्यक्षहरुले लगाएको ताला समेत प्रशासनको सहयोगमा खोलिएको छ । नयाँ कार्यसमितिका पदाधिकारीहरुले चोरबाटोबाट गोप्य रुपमा सपथ ग्रहण गर्न लागेको भन्दै पूर्व अध्यक्षहरुले क्लबको कार्यालयमा शनिबार बिहान तालाबन्दी गरेका थिए ।
प्रतिक्रिया