काठमाण्डौ । नेपालमा पछिल्लो २४ घण्टामा २ हजार ६ सय १९ जनामा कोरोनाभाइरस संक्रमण पुष्टि भएको छ भने १४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार ८ हजार ६ सय ६८ जनामा परीक्षण गर्दा २ हजार ६ सय १९ जनामा संक्रमण पुष्टि भएको हो ।
पीसीआर विधिबाट ७ हजार ५ सय २५ जनामा परीक्षण गर्दा २ हजार ४ सय ८६ र एन्टिजेन विधिबाट १ हजार १ सय ४८ जनामा परीक्षण गर्दा १ सय ३३ जनामा संक्रमण पुष्टि भएको हो ।
यससँगै देशभर कोरोनाभाइरस संक्रमितको कुल संख्या २ लाख ९७ हजार ८७ र निको हुनेको संख्या २ लाख ७७ हजार १ सय २३ पुगेको छ । हालसम्म मृतकको कुल संख्या ३ हजार १ सय ३६ पुगेको पनि मन्त्रालयले जनाएको छ ।
हाल देशभर सक्रिय संक्रमितको संख्या १६ हजार ८ सय २८ पुगेको मन्त्रालयले जनाएको छ ।
प्रतिक्रिया