एजेन्सी । भारतमा कोरोना संक्रमणले नयाँ रेकर्ड बनाइरहेको छ । त्यहाँ बुधबार मात्र ३ लाख १५ हजारभन्दा बढी नयाँ संक्रमित थपिएका छन् ।
भारतमा बुधबार भेटिएको नयाँ संक्रमितको संख्या एकैदिन भेटिएको संक्रमितको अहिलेसम्मकै सबैभन्दा धेरै संख्या हो । विश्वभर एकैदिनमा यति ठूलो संख्यामा संक्रमित भेटिएका थिएनन् ।
यसअघि अमेरिकामा ८ जनवरीमा एकैदिन ३ लाख ७ हजार जनामा संक्रमण पुष्टि भएको थियो । पछिल्ला दिनहरुमा भारतमा कोरोना संक्रमण र मृत्युदर तीव्र गतिमा बढेसँगै स्थिति भयावह बन्न पुगेको छ ।
बुधबार मात्रै भारतमा कोरोना संक्रमणका कारण २ हजार १ सय १ जनाको मृत्यु भएको छ । यसअघि मंगलबार २ हजार २१ जनाको कोरोना संक्रमणका कारण मृत्यु भएको थियो । भारतमा अहिले २२ लाख ८४ हजार सक्रिय संक्रमित छन् ।
प्रतिक्रिया