काठमाण्डौ । फोटोसहितको मतदाता नामावलीमा नाम दर्ता गर्न निर्वाचन आयोगले सबैसँग आग्रह गरेको छ ।
आयोगले एक विज्ञप्ति जारी गर्दै प्रदेश तथा जिल्ला निर्वाचन कार्यालयबाट फोटोसहितको मतदाता नामावलीमा नाम दर्ता गर्न आग्रह गरेको हो । मतदाता नामावलीमा नाम दर्ता गर्न बाँकी रहेकाहरूलाई नाम दर्ता गराउन अनुरोध गरिएको आयोगका प्रवक्ता राजकुमार श्रेष्ठले बताए ।
नागरिकता प्राप्त गरेर पनि मतदाता नामावलीमा नाम नभएका नागरिकलाई मतदाता नामावलीमा नाम दर्ता गर्न उत्प्रेरित गर्ने र सो कार्यका लागि जिल्ला निर्वाचन कार्यालयसम्म जाने–आउने लगायत विषयमा सहजीकरण गरिदिन सबै स्थानीय तहहरूलाई आयोगले आग्रह समेत गरिएको छ ।
प्रतिक्रिया