जनकपुरधाम । धनुषाको मिथिला नगरपालिका वडा नम्बर-२ स्थित नक्टाझिजमा सोमबार राति ३ वटा घरमा चोरी भएको छ ।
चोरहरुको समूहले विश्वकर्माचोकस्थित स्थानीय ओपेन्द्र महतो, बम राय र स्वास्थ्य चौक नजिक भगलु महतोको घरमा चोरी गरेको हो ।
चोरी गर्ने क्रममा भगलु महतोको घरमा एकजना चोर समातिएका छन् । पक्राउ परेका चोरलाई राति नै इलाका प्रहरी कार्यालय महेन्द्रनगरको जिम्मा लगाइएको स्थानीयले बताएका छन् ।
इलाका प्रहरी कार्यालय महेन्द्रनगरले एकजना चोर समातिएको बताएपनि चोरको विषयमा अनुसन्धान भईरहेकोले नाम ठेगाना खोल्न नमिल्ने बताएको छ ।
प्रतिक्रिया