काठमाण्डौ । प्रहरीले लागुऔषधसहित दुईजनालाई पक्राउ गरेको छ । पक्राउ पर्नेमा सर्लाही हरिहरपुर–२३ का यज्ञबहादुर श्रेष्ठ र बारा कलैयाका धर्मेन्द्र माझी रहेका छन् ।
सर्लाहीबाट काठमाडौं जाँदै गरेको ग १ ख ८७८७ नम्बरको बस चेकजाँच गर्ने क्रममा सोमबार बिहान थानकोटबाट १ हजार ४ सय ५० एम्पुल लागुऔषधसहित प्रहरीले उनीहरूलाई पक्राउ गरेको हो ।
प्रहरीले पक्राउ परेकाहरूको साथबाट ५ सय ४० ट्याबलेट, डाइजेपाम ३ सय र ३ सय एम्पुल नुर्फिन बरामद गरेको हो । उनीहरूमाथि लागूऔषध नियन्त्रण ऐन २०३३ अनुसार अनुसन्धान भइरहेको प्रहरीले जनाएको छ ।
प्रतिक्रिया