जनकपुरधाम । नेकपा माओवादी केन्द्रले प्रदेश २ का चारजना सांसदलाई बर्खास्त गरेको छ ।
माओवादी केन्द्र छाडेर नेकपा एमालेतर्फ लागेको भन्दै पार्टीको केन्द्रीय समितिले प्रदेशसभा सदस्यहरु रामचन्द्र मण्डल, ज्वाला कुमारी साह, कुन्दनप्रसाद कुशवाहा र मोहम्मद समीरलाई बर्खास्त गरेको हो । पार्टीले उनीहरूसँग स्पष्टीकरण पनि सोधेको थियो । योसँगै उनीहरूको सांसद पद समेत गुमेको छ ।
ति चारजना सांसदहरुलाई बर्खास्त गरेको पत्र नेकपा माओवादी केन्द्रले प्रदेशसभा सचिवालयलाई समेत बुझाइसकेको छ ।
२४ घण्टाभित्र स्पष्टीकरण नदिएपछि उनीहरुलाई बर्खास्त गरिएको एकजना प्रदेशसभा सदस्यले जानकारी दिए ।
प्रदेश २ मा नेकपा माओवादी केन्द्रका ११ जना सांसद रहेकोमा ४ जना बर्खास्तीमा परेपछि अब ७ जना मात्रै रहने भएका छन् ।
प्रतिक्रिया