काठमाण्डौ । नबिल बैंकले सेफ सन्तोष साहलाई ‘हिरोज अफ नेपाल’ सम्मान दिएको छ । बैंकले राष्ट्रिय तथा अन्तर्राष्ट्रिय स्तरमा नेपाललाई चिनाउन सफल नेपालीलाई सम्मान गर्ने अभियानअन्तर्गत साहलाई सम्मान गरेको हो ।
बैंकले बिहीबार काठमाडौंमा एक कार्यक्रम आयोजना गरी साहलाई सम्मान गरेको हो । सेफ साहले बेलायतको मास्टर सेफ कार्यक्रममा नेपाली परिकारलाई विश्वसामु चिनाएका थिए ।
सम्मान कार्यक्रममा सेफ साहले आफ्ना अनुभव र जीवनका उपलब्धि सुनाएका थिए । बैंकले साहको गृहनगरमा ई–पुस्तकालय निर्माण गर्ने र ५ जना छात्रालाई छात्रवृत्तिको घोषणा गरेको छ ।
प्रतिक्रिया