जनकपुरधाम । Taking Back 2020-Make Vision Count भन्ने मुल नाराका साथ विश्व दृष्टि विशेषज्ञ दिवस जनकपुरधाममा पनि मंगलबार पहिलो पटक मनाइएको छ ।
दिवसको अवसरमा र्याली निकालिएको थियो । पिडारीचोकस्थित चित्रांश पार्टी प्यालेसबाट निस्केको र्याली पिडारीचोक, रामानन्द चोक, जानकी मन्दिर, देवीचोक हुँदै पुन: चित्रांश पार्टी प्यालेसमा पुगेको थियो । र्यालीमा सहभागीहरूले विभिन्न नारा लेखिएको प्लेकार्ड समेत बोकेका थिए ।
प्रदेश स्वास्थ्य निर्देशनालयका निर्देशक विजय कुमार झाको प्रमुख आतिथ्यमा आयोजित कार्यक्रमको अध्यक्षता नेपाल दृष्टि विशेषज्ञ संघ प्रदेश २ का अध्यक्ष लाल मोहम्मदले गरेका थिए ।
कार्यक्रममा नेपाल दृष्टि विशेषज्ञ संघका प्रवक्ता दिपक कुमार साह, प्रदेश सचिव वसन्त कुमार यादव, कोषाध्यक्ष शम्भु कुमार यादवलगायतकाहरुको उपस्थिति रहेको थियो ।
कार्यक्रमको सञ्चालन राकेश कुमार मण्डलले गरेका थिए ।
प्रतिक्रिया