सिरहा । सिरहामा दुईवटा मोटरसाइकल एकआपसमा जुध्दा दुईजनाको मृत्यु भएको छ ।
जिल्लाको नरहा गाउँपालिका–२ पानबारीमा स ६ प ९१५१ र स ८ प २२५० नम्बरको मोटरसाइकल एकआपसमा जुध्दा दुर्घटना भएको प्रहरीले जनाएको छ ।
दुर्घटनामा परि स ६ प ९१५१ नम्बरको मोटरसाइकलका चालक विष्णुपुर गाउँपालिका–४ का २८ वर्षीय दीपु पासवान र स ८ प २२५० नम्बरको मोटरसाइकलमा सवार गोलबजार बस्ने २५ वर्षीय गुरुदेव महतोको मृत्यु भएको जिल्ला प्रहरी कार्यालय सिरहाले जनाएको छ ।
दुर्घटनामा गम्भीर घाइते भएका उनीहरुलाई उपचारको लागि अस्पतालतर्फ लैजाने क्रममा बाटोमै मृत्यु भएको हो । घाइते भएका स ६ प ९१५१ नम्बरको मोटरसाइकलमा सवार २ जनाको विराट नर्सिङ होम र स ८ प २२५० नम्बरको मोटरसाइकलमा सवार १ जनाको लहान नर्सिङ होममा उपचार भइरहेको प्रहरीले जनाएको छ ।
प्रतिक्रिया