जनकपुरधाम । प्रदेश २ को सिरहामा एक युवकको शव वीभत्स हत्या गरिएको अवस्थामा फेला परेको छ ।
जिल्लाको मिर्चैया नगरपालिका वडा नम्बर-७ का अन्दाजी २८ वर्षीय शिवकुमार यादवको हत्या गरिएको अवस्थामा शव फेला परेको हो ।
सौर्य सिमेन्ट उद्योगमा कार्यरत यादवको शव आइतबार बिहान वीभत्स अवस्थामा मिर्चैया-१ स्थित आँप बगैँचामा फेला परेको प्रहरीले जनाएको छ ।
यादवको शव पूर्वपश्चिम राजमार्गछेउको आँप बगैँचामा कङ्क्रिटले छोपिएको अवस्थामा भेटेको प्रहरीले जनाएको छ ।
शनिबार राती साढे ८ बजे घरबाट निस्केका यादव आइतबार मृत फेला परेको जिल्ला प्रहरी कार्यालय सिरहाका प्रहरी प्रमुख प्रहरी उपरीक्षक सुदिप राज भण्डारीले जानकारी दिए ।
शवको प्रकृति हेर्दा उनको टाउकोमा धारिलो हतियार प्रहार गरी हत्या गरिएको हुनसक्ने प्रहरीको आशंका छ । शिवकुमारको टाउको तथा शरीरका विभिन्न भागमा गहिरो चोट देखिएको प्रहरीले जनाएको छ ।
मृतकको शव पोष्टमार्टमका लागि लहानस्थित रामकुमार सारदा उमाप्रसाद मुरारका अस्पतालमा राखिएको र घटना सम्बन्धमा थप अनुसन्धान सुरु गरिएको इलाका प्रहरी कार्यालय मिर्चैयाका प्रवक्ता प्रहरी नायव उपरिक्षक राजेन्द्र श्रेष्ठले बताए ।
प्रतिक्रिया