सप्तरी । सप्तरीको अग्निसाइर कृष्णसवरण गाउँपालिकास्थित कृषि फार्ममा आगलागी हुँदा २० वटा गाईको जलेर मृत्यु भएको छ ।
आगलागीपछि ३० वटा गाई हराएका छन् । गाउँपालिकाको वडा नम्बर-५ स्थित कृष्णाराम बहुउद्देश्यीय कृषि फार्ममा बिहीबार राति विद्युत सर्ट भएर आगलागी भएको सप्तरी प्रहरीले जनाएको छ ।
आगलागीले उक्त फार्ममा रहेको ६० मध्ये २० वटा गाईको जलेर मृत्यु भएको छ । १० वटा गाई घाइते भएको र ३० वटा हराइरहेको फार्मका सञ्चालक मनोज कुमार साहले बताए ।
एक्कासी विद्युत सर्ट भएर आगो लागेको सञ्चालक मनोजले जानकारी दिए ।आगलागीले फार्मको घरसहित गाईलाई खुवाउने अन्नपातसमेत जल्दा ५० लाखभन्दा बढीको क्षति भएको उनले बताए ।
आगो निभाउने क्रममा फार्मका अर्का सञ्चालक दिनानाथ साह घाइते भएका छन् । उनको स्थानीयस्तरमा उपचार भइरहेको जिल्ला प्रहरी कार्यालय सप्तरीले जनाएको छ ।
प्रतिक्रिया