काठमाण्डौ । भद्रकालीस्थित नेपाली सेनाको मुख्यालयमा आगलागी भएको छ ।
आर्मी अफिसर क्लब नजिकै अवस्थित प्रधान सेनापतिको पुरानो कार्यालयको दोस्रो तलामा बिहीबार दिउँसो आगलागी भएको हो ।
आगो फैलिएपछि नियन्त्रणका लागि नेपाली सेनाको एउटा दमकल र काठमाडौं महानगरपालिकाका दुईवटा दमकल परिचालित भएका छन् ।
आगो निभाउन दुईवटा पानी ट्याङ्कर र सेनाका करिब डेढ सय जवान खटिएको बताइएको छ । घटनाको विस्तृत विवरण आउन बाँकी रहेको छ ।
प्रतिक्रिया