काठमाण्डौ । राष्ट्रपति विद्यादेवि भण्डारीले आज प्रमुख राजनीतिक दलहरुसँग छलफल गर्न लागेकी छन् ।
राष्ट्रपतिका स्वकीय सचिव भेषराज अधिकारीका अनुसार राष्ट्रपति भण्डारीले संघीय संसदमा प्रतिनिधित्व गर्ने दलहरुलाई छलफलका लागि बोलाएकी हुन् ।
पछिल्लो राजनीतिक परिस्थितबारे बुझ्न आह्वान गरिएको छलफल अपराह्न ४ बजे शीतल निवासमा हुनेछ ।
बैठकमा नेकपा एमाले, नेपाली काँग्रेस, नेकपा माओवादी केन्द्र, जनता समाजवादी पार्टी, राष्ट्रिय प्रजातन्त्र पार्टी, नेपाल मजदुर किसान पार्टी र राष्ट्रिय जनमोर्चालाई बोलाइएको छ ।
संसद पुनर्स्थापनालगत्तै सर्वोच्चले एमाले र माओवादी केन्द्र ब्युँताइदिएपछि सरकार र संसदमा असहज परिस्थिति सिर्जना भएको छ ।
प्रतिक्रिया