जनकपुरधाम । धनुषामा सवारी दुर्घटनामा परि एक टेम्पो चालकको मृत्यु भएको छ ।
मृत्यु हुनेमा टेम्पो चालक महोत्तरीको बर्दिबास नगपालिका वडा नम्बर-१ का वीर बहादुर तामाङ्ग रहेको प्रहरीले जनाएको छ ।
शनिबार बेलुका पूर्व-पश्चिम राजमार्ग अन्तर्गत धनुषाको मिथिला नगरपालिका-८ बडहरी पुल नजिकै सो दुर्घटना भएको थियो ।
पश्चिमबाट पूर्वतर्फ आउँदै गरेको ना ८ ख ७२२२ नम्बरको टिपरले पूर्वबाट पश्चिमतर्फ जाँदै गरेको प्रदेश २-०३-००१ स ५४७५ नम्बरको तीनपाङ्ग्रे अटो टेम्पोलाई ठक्कर दिँदा अटो चालक तामाङ्गको घटनास्थलमै मृत्यु भएको इलाका प्रहरी कार्यालय ढल्केवरका प्रहरी निरीक्षक तिर्थ कुमार कार्कीले जानकारी दिए ।
आक्रोशित स्थानीयले टिपरमा तोडफोड गर्नुका साथै केहिबेर चक्काजाम समेत गरेका थिए ।
मृतकको शव प्रादेशिक अस्पताल जनकपुरमा पोष्टमार्टम पश्चात परिवारजनको जिम्मा लगाइएको र घटना सम्बन्धमा थप अनुसन्धान जारी रहेको प्रहरीले जनाएको छ ।
प्रतिक्रिया