बारा । बारामा एक युवकको शव कुहिएको अवस्थामा फेला परेको छ ।
जिल्लाको जितपुरसिमरा उपमहानगरपालिका–१० स्थित एक खेतमा युवकको शव फेला परेको हो ।
सो शव शुक्रबार बिहान खेतमा गाडेको अवस्थामा फेला परेको जिल्ला प्रहरी कार्यालय बाराका प्रवक्ता प्रहरी नायब उपरिक्षक गौतम मिश्रले जानकारी दिए ।
शव सडिसकेकाले पहिचान हुन नसकेको उनले बताए । बिहान माटो लिएर जाँदै गरेकी एक महिलाले गन्हाएको अवस्थामा शव देखेपछि प्रहरीलाई खबर गरेकी थिइन् ।
प्रहरीले घटना सम्बन्धमा थप अनुसन्धानका लागि तालिम प्राप्त कुकुर समेत मगाएको छ ।
प्रतिक्रिया