जनकपुरधाम । लक्ष्य फिल्मस प्रालिद्वारा निर्माण हुन लागेको पत्रकार विकास साहको ‘परिक्रमा’ वृत्तचित्रको प्रोमो आज एक पत्रकार सम्मेलनको आयोजना गरी सार्वजनिक गरिएको छ ।
नेपाल पत्रकार महासंघ धनुषाको सभाकक्षमा आयोजित पत्रकार सम्मेलनका प्रमुख अतिथि नेपाल पत्रकार महासंघ धनुषा शाखाका अध्यक्ष अनिल मिश्रले प्रोजेक्टरको स्वीच थिचेर प्रोमो सार्वजनिक गरेका हुन् । सो प्रोमो युट्युवमा समेत सार्वजनिक गरिएको पत्रकार साहले जानकारी दिएका छन् ।
वृत्तचित्रमा १५ दिने मिथिला मध्यमा परिक्रमाका सबै वासाहरु, त्यसका विशेषताका साथै मिथिला मध्यमा परिक्रमाको महत्व समेटिएको पत्रकार साहले जानकारी दिए । उनले यस वृत्तचित्रलाई चाँडै टेलि श्रृंखलाको रुपमा प्रस्तुत गरिने बताए ।
यसअघि उनले लक्ष्य फिल्मसकै ब्यानरमा मधुगंगे, गुम्की, गेरुका नामक वृत्तचित्र निर्माण गरि दर्शकको मन जितिसकेका छन् ।
यस वृत्तचित्रको निर्माणमा पत्रकार साहलाई मिथिलाका सुप्रसिद्ध गायक ललित कामत, पत्रकार सुमित मिश्र, गम्भीर झा, सुरेन्द्र राय, बिरेन्द्र झालगायतकाहरुले सहयोग गरेका छन् ।
प्रतिक्रिया