काठमाण्डौ । सामुदायिक रेडियोहरुको छाता संगठन सामुदायिक रेडियो प्रसारक संघ नेपाल अकोराबको नयाँ नेतृत्व चयन भएको छ । अर्जुन गिरीको नेतृत्वमा ३२ सदस्यीय कार्य समिति चयन भएको हो ।
संघको अध्यक्षबाहेक सबै पद सर्वसम्मत रुपमा चयन भएको हो । संघको वरिष्ठ उपाध्यक्ष विष्णु अवस्थी चयन भएका छन् । यस्तै, उपाध्यक्षहरूमा बन्दना दनुवार, मिलन गाहा मगर, निमेष कर्ण र भुवन सिंह चयन भएका छन् ।
संघको महासचिवमा किशोरजंग थापा, सचिवमा सुदर्शन खतिवडा र कोषाध्यक्षमा सरोज पौडेल चयन भएका छन् । संघको अध्यक्षबाहेकका सबै पदाधिकारी र सदस्य सहमतिमा चयन भएको नवनिर्वाचित सचिव खतिवडाले जानकारी दिए ।
संघको अध्यक्षका लागि अर्जुन गिरी र कपिलदेव खनालको उम्मेदवारी परेपछि मतदान भएको थियो । बिहीबार बिहान घोषणा गरिएको नतिजामा गिरि विजयी भएका थिए ।
मंगलबार अधिवेशन उद्घाटन भएपश्चात अकस्मात स्थगित भएको नेतृत्व चयन प्रक्रिया आज सकिएको हो । यसअघि, संघको अध्यक्ष सुवास खतिवडा रहेका थिए ।
प्रतिक्रिया