सप्तरी । सप्तरीमा भएको सवारी दुर्घटनामा परी एक युवकको मृत्यु भएको छ ।
जिल्लाको अग्निसाइर कृष्णसवरण गाउँपालिका-१ जण्डौलमा मंगलबार राति पिकअपको ठक्करबाट पैदलयात्री युवकको घटनास्थलमै मृत्यु भएको हो।
मृत्यु हुनेमा सोही ठाँउ बस्ने २८ वर्षीय दिपक चौधरी रहेको प्रहरीले जनाएको छ । पूर्वतर्फ जाँदै गरेको प्रदेश ३–०१–०२४ च ४२६९ नम्वरको पिकअपले सो युवकलाई ठक्कर दिएको थियो ।
मृतकको शव पोष्टमार्टमका लागि राजविराजस्थित गजेन्द्रनारायण सिंह अस्पतालमा राखिएको छ ।
ठक्कर दिने चालक कपिलबस्तुको बाह्रगंगा नगरपालिका-४ का २४ वर्षीय दिपेन्द्र थापा र पिकअप प्रहरीको नियन्त्रणमा रहेको जिल्ला प्रहरी कार्यालय सप्तरीका प्रवक्ता प्रहरी नायव उपरिक्षक भुवनेश्वर साहले जानकारी दिए ।
प्रतिक्रिया