एजेन्सी । भारतको कोलकातामा भएको भीषण आगलागीमा ९ जनाको मृत्यु भएको छ ।
इस्ट्रन रेलवेजको कार्यालयस्थित १३ तल्ले भवनमा सोमबार साँझ आगलागी हुँदा यस्तो भयानक दुर्घटना भएको हो । आगलागीको कारण भने अझै खुल्न सकेको छैन् ।
बंगाल प्रहरीका अनुसार मृत्यु हुनेमा ४ जना फायर फाइटर्स, १ जना प्रहरी, १ जना रेलवे प्रोटेक्सन फोर्सका जवान र १ जना रेल कर्मचारी छन्। मृतक मध्ये दुई जनाको पहिचान खुल्न अझै बाँकी रहेको छ।
उनीहरूको शरीर जलेर नचिनिने भएपछि पहिचान खुल्न कठिन भईरहेको भारतीय सञ्चारमाध्यमले जनाएका छन् ।
मृत्यु भएकाहरू लिफ्टमा ११ तलासम्म गएको र त्यहाँ धुँवाले निस्सासिएको बुझिएको छ। भवनको बाह्रौं तलामा आगलागी भएको थियो।
उक्त भवनमा इस्ट्रन रेलवेजको टिकट रिजर्भेसन, सञ्चार र सिंग्नलिङको कार्यालय रहेको समाचारमा उल्लेख छ ।
प्रतिक्रिया