एजेन्सी । श्रीलंका र वेस्टइन्डिजको तीन खेलको टि–२० सिरिज घरेलु टोली वेस्टइन्डिजले जितेको छ । सोमबार तेस्रो तथा अन्तिम खेलमा ३ विकेटले विजयी हुँदै वेस्टइन्डिजले सिरिज २–१ ले आफ्नो पक्षमा पारेको हो ।
श्रीलंकाले दिएको १३२ रनको लक्ष्य वेस्ट इन्डिजले १९औं ओभरमा ७ विकेट गुमाएर प्राप्त गरेको थियो । वेस्टइन्डिजका लागि लेन्डल सिमोन्सले सर्वाधिक २६ रन बनाए । फाबियन एलनले अविजित २१ रन जोडे । निकोलस पुरनले २३ र इचन लुइसले २१ रनको योगदान दिए ।
श्रीलंकाका लक्शान सन्दकानले ३, दुस्मान्था चामिरा र वानिन्दु हसरंगाले समान २–२ विकेट लिए । कोलिडिग क्रिकेट मैदानमा टस जितेर ब्याटिङ रोजेको श्रीलंकाले निर्धारित २० ओभरमा ४ विकेट गुमाउँदै १३१ रनको योगफल तयार पारेको थियो ।
उसका लागि दिनेश चाण्डिमलले अविजित ५४ रनको योगदान दिए। ४६ बलको सामना गरेका उनले ३ चौका प्रहार गरे । असेन बन्दराले पनि अविजित ४४ रन जोडे। ३५ बलको सामना गरेका उनले ३ चौका र २ छक्का प्रहार गरे । कप्तान एन्जेलो म्याथ्युजले ११ रन बनाउँदा अन्य ब्याट्सम्यानले दोहोरो अंकमा रन जोड्न सकेनन् ।
वेस्टइन्डिजका लागि फाबियन एलन, केविन सिन्क्लेयर, जेसन होल्डर र आबेद म्याकोयले समान १–१ विकेट लिए । पहिलो टि–२० वेस्ट इन्डिजले ४ विकेटले विजयी हुँदा दोस्रो टि–२० मा श्रीलंका ४३ रनले विजयी भएको छ ।
प्रतिक्रिया